16.02.2012

მასწავლებლობის უფლება

სტატიები  (photo: )

 

„ზოგადი განათლების შესახებ" კანონის  61-ე  მუხლში ცვლილება შედის. ეს მუხლი მასწავლებელთა პირველ სერთიფიცირებას ეხება და განსაზღვრავს იმ პირთა წრეს, რომელთაც მასწავლებელთა სასერთიფიკაციო გამოცდებზე გასვლის უფლება აქვთ.

 

აქამდე ამის უფლება მხოლოდ იმ პირებს ჰქონდათ, რომლებსაც უმაღლესი განათლება და საგანამანათლებლო დაწესებულებაში მუშაობის ერთწლიანი სტაჟი ჰქონდათ და ასევე მაძიებლობის პერიოდიც წარმატებით გაიარეს.

ცვლილების მიღების შემდეგ, მაძიებლობის პერიოდის წარმატებით გავლა და საგანამანთლებლო დაწესებულებაში მუშაობის ერთწლიანი სტაჟი საჭირო აღარ არის, სასერთიფიკაციო გამოცდებზე გასვლა ყველა იმ პირს შეუძლია, ვისაც უმაღლესი განათლება აქვს.

"აღნიშნული კანონ-პროექტით ამ ბარიერის, ერთწლიანი სტაჟის მოთხოვნას იმ მსურველებისათვის ვხსნით,  ვისაც უნდა, გამოვიდეს სასერთიფიცკაციო გამოცდებზე." განმარტა განათლების კომიტეტის სხდომა მინისტრის მოადგილემ ირინა ქურდაძემ.

მისივე თქმით, სასერთიფიკაციო გამოცდები საკმარისია ბარიერია იმისთვის, რომ ამა თუ იმ პირის პედაგოგიური უნარები შემოწმდეს.  საკნონმდებლო ცვლილებას კომიტეტის წევრებიც დაეთანხმნენ.  განათლების საპარლამენტო კომიტეტის თავმჯდომარის, ხათუნა ოჩიაურის თქმით, მთავარი იმ პირთა კომპეტენციის შემოწმებაა, რომლებიც მასწავლებლობას აპირებენ  -„გამოცდა ეს ისეთი ბარიერია, რომლის შემდეგაც კომისია მიხვდება, შეუძლია თუ არა პირს პედაგოგება" - აღნიშნა ოჩიაურმა.

ირინა ქურდაძე ამბობს, რომ ამ ბარიერის მოხსნა მაძიებლობის პროგრამის გაუქმებას არ ნიშნავს და ამის შემდეგ მაძიებლად დარეგისტრირების მსურველთა რიცხვი არ შემცირდება, რაადგან თვლის, რომ "გამოცდილება ცოდნასთან ერთად მაინც ძალიან მნიშვნელოვანია".

შეგახსენებთ, რომ მასწავლებლობის მაძიებლობის ხელშეწყობის სახელმწიფო  პროგრამა 2010- 2011 სასწავლო წლიდან ამოქმედდა და პირველ წელს თბილისის, ახალციხის, თელავის, გორის, ქუთაისის, ბათუმისა და ზუგდიდის 100-მდე სკოლაში განხორციელდა. მაძიებლობის მსურველი რომ ბევრი იყო, ეს დღეს მინისტრის მოადგილემაც დაგვიდასტურა.

განათლების ექსპერტის თამარ მოსიაშვილის თქმით, მაძიებლობის პერიოდის გავლა მომავალი მასწავლებლებისთვის მნიშვნელოვანია, ამიტომ ახალ საკანონმდებლო ცვლილებას არ მიესამლება.

„მასწავლებლობა არის რეგულირებადი პროფესია. მაძიებლობის კომპონენტის გაუქმება: არა მგონია მომგებიანი იყოს ჩვენი სისტემისთვის. მენტორ-მაძებლობის პროგრამა ერთ-ერთი საუკეთესო პროგრამაა. ამ რგოლის ამოღებით და პირდაპირ სასერტიფიკაციო გამოცდების ჩაბარებით პროცესი გამარტივდება, მაგრამ ახალბედა მასწავლებელს სკოლაში მოუწევს უნარების შეძენა, რაც საკმაოდ რულია, და ხშირად - საკმაოდ წარუმატებელიც."- განამრტავს თამარ მოსიაშვილი.


მეტი

ახალი ამბები

მეტი
  • ზურაბ ვარდიაშვილი

    ცოტა უპრიანი პოსტი

    ვიხითხითეთ, როცა ვერაფრით  დაძლია სიტყვა “გამტარუნარიანობა”. ჩავბჟირდით, როდესაც პრემიერ-მინისტრმა გვახარა, რომ ის სწრაფად იზრდება. ვიკისკისეთ, როდესაც რუსეთ-უკრაინის ომი დემოკრატიული...

  • გურამ იმნაძე

    ვინ უდარაჯებს დარაჯებს

    გიორგი ცომაია არც გმირია და არც მისი საქმეა რამით განსაკუთრებული. ის  მორიგი შემთხვევაა, რომელიც კიდევ ერთხელ, უკვე მერამდენედ ადასტურებს, რომ სამართალდამცავები ძალადობენ  მოქალაქეებზე. პოლიციელს...

  • ვახუშტი მენაბდე

    აგვისტოს კოშმარი

    აფრიკული მუსიკა სწორედ ისაა, რაც წელიწადის ამ დროს უნდა მოისმინო, ოღონდ არ იფიქროთ, რომ ეს სულს მოგათქმევინებთ და გაცხელებულ შუბლს დაგიამებთ. პირიქით, კიდევ უფრო მეტად დაგაწვებათ და ჭრილობებზე...

მეტი