19.03.2012

ახალი მინისტრი ძველი პრიორიტეტებით

სტატიები  (photo: )

 

ზურაბ ჭიაბერაშვილი ჯანდაცვის კომიტეტის წევრებს შეხვდა. მისასალმებელ სიტყვაში ჯანდაცვის სფეროში მთავრობის გეგმები მიმოიხილა და კომიტეტის წევრებისგან  რჩევების მიღება ითხოვა. „კომიტეტის წევრებისგან ველოდები არა მარტო კითხვებს,  არამედ,  წინადადებებს, თუ   რა სფეროებსა  და  საკითხებს უნდა მივაქციო ყურადღება, როგორც ჯანდაცვის მინისტრმა"- მიმართა ზურაბ ჭიაბერაშვილმა კომიტეტის წევრებს.

 

პირველი სიტყვით ქრისტიან დემოკრატების წევრი, მაგდა ანიკაშვილი გამოვიდა. მან საჭიროებებზე მორგებული სადაზღვევო პოლისების შექმნაზე ისაუბრა.  „პენსიონრებს სხვა საჭიროებები აქვთ, შეზრუდული შესაძლებლობის მქონე  ბავშვებთან ძალიან მწვავედ დგას სარეაბილიტაციო პროგრამების საკითხი,  რასაც დღევანადელი პოლისი არ ანაზღაურებს. პოლისი უნდა შეესაბამებოდეს ადამიანის საჭიროებებს" - თქვა მან. მიზანმიმართული სოციალური დახმარების მნიშვნელობაზე კომიტეტის წევრმა,  გიგი წერეთელმაც ისაუბრა.

ჯანდაცვის კომიტეტის წევრებთან ზურაბ ჭიაბერაშვილის შეხვედრა, შეიძლება ითქვას, წარმატებული იყო. ახალ მინისტრს აფასებდნენ, როგორც კარგ დიპლომატსა და მენეჯერს. კომიტეტის უმრავლესობამ მის მიმართ ნდობა გამოხატა. საპარლამენტო უმრავლესობისგან განსხვავებით, ახალ მინისტრს ნდობას არ უცხადებს „ფრაქცია ერთობა სამთლიანობისთვის"

კომიტეტის წევრებსა და ზურაბ ჭიაბერაშვილს შორის შეხვედრა, ჯანდაცვის კომიტეტის სხდომამდე შედგა. გია ცაგარეიშვილის თქმით,  ახალი მინისტრის ხედვა მისი წინამორბედისგან განსხვავებული არ არის.

„ჩვენ მოვუსმინეთ მინისტრს, საათნახევარი გაგრძელდა შეხვედრა. მიდგომა გვაქვს ერთგვაროვანი, რადგან საუბარი ეხება კოლექტიურ მმართველობას, შემოდის არა მარტო ერთ მინისტრის ნდობის საკითხი, არამედ,  მთელი  მთავრობის. რა თქმა უნდა,  ნდობას ვერ გამოვუცხადებთ მთავრობას. ახალი მინისტრი არაფერს  ცვლის და გააგრძელებს წინამორბედის კურსს, თუ არ იქნება ახლებული ხედვა, არაფერი არ გამოვა" - თქვა გია ცაგარეიშვილმა.

 


მეტი

ახალი ამბები

მეტი
  • მამუკა ლეკიაშვილი

    ჭერ-იატაკი

    ჩვენი დღევანდელი ამოცანისთვის მნიშვნელოვანია სამი ჭერ–იატაკი სამყაროს ოთხ სართულს შორის. სწორედ ეს სამეული განსაზღვრავს სამყაროს ძირითად მასშტაბებს, ანუ სართულებს შორის განსხვავებას და სიახლოვეს.

  • ნათია ფანჯიკიძე

    დიდება შენდა, ღმერთო

    უნდა შეგცივდეს, რომ მიხვდე, როგორ გათბე; უნდა მოგშივდეს, რომ იზრუნო საკვების მოპოვებაზე; უნდა დაგაწვიმოს, რომ აიშენო სახლი; უნდა გაგსრისოს მარტოობამ, რომ შეიძინო მეგობარი; უნდა შეგაწუხოს ჭუჭყმა,...

  • ზურაბ ვარდიაშვილი

    6 წლის წინ და 6 წლის შემდეგ

    ლიბერალი 6 წლისაა. და ჩვენ, მისი რეპორტიორები 6 წელია ზემოთ აღწერილი ომის ფრაგმენტებს მოვიპოვებთ, ვალაგებთ, ფოკუსს ვუძებნით, ვახარისხებთ და გაწვდით თქვენ, თანამოქალაქეებს, სხვადასხვა სახის ომში...

მეტი