17.05.2012

ლევან გახელაძე პოლიტიკური დებატების შესახებ

 

საზოგადოებრივი მაუწყებლის სამეურვეო საბჭოს თავჯდომარე ლევან გახელაძემ დღეს „ეს შენ გეხება" კამპანიის წარმომადგენლებთან შეხვედრაზე სურვილი გამოთქვა, საზოგადოებრივი მაუწყებლისთვის დებატების გამართვის რეგულირების ნაწილი შეეცვალათ. კამპანიის მიერ შემუშავებული საკანონმდებლო წინადადებები, სხვა სიახლეებთან ერთად წინასაარჩევნოდ საზოგადოებრივ მაუწყებელს ყოველკვირეული თემატური დებატების გამართვის აუცილებლობას აკისრებს.

 

ლევან გახელაძემ ადგილობრივი თვითმმართველობის არჩევნები გაიხსენა და აღნიშნა, რომ მაშინ მერობის კანდიდატებს შორის დებატებს არჩევნებამდე ბოლო სამი დღე დაეთმო.

„ჩვენ წელსაც ვგეგმავთ მსგავს დებატებს. იქნებ, ყოველკვირეული ვალდებულება ამოგვეღო კანონიდან. მაგალითად, თუ 15 საარჩევნო სუბიექტი იქნება, გვინდა, რომ ბოლო ხუთი დღის განმავლობაში სამ-სამი სუბიექტი დავსვათ სადებატოდ. ეს არსებითად არ ცვლის თქვენს კანონპროექტს. დებატების ვალდებულება გვრჩება. საზოგადოებრივი ინტერესიც არჩევნების ბოლოსკენ უფრო დიდია", - აღნიშნა გახელაძემ.

გაზეთ „რეზონანსის" რედაქტორი ლაშა ტუღუში, რომელიც აღნიშნული საკანონმდებლო წინადადებების მომზადებაში აქტიურად მონაწილეობდა, გახელაძეს არ დაეთანხმა.

„მერის არჩევნებისგან განსხვავებით, ახლა უფრო მეტი საარჩევნო სუბიექტია, ასევე  არასდროს არ ყოფილა ისეთი მოთხოვნა პროგრამულ დებატებზე, როგორც დღესაა", - აღნიშნა ტუღუშმა.

მისი თქმით, აუცილებელია ხალხის ინფორმირება და დროის მიცემა იმისთვის, რომ არჩევნებზე სწორი გადაწყვეტილება მიიღონ. ლაშა ტუღუშის განმარტებით, საზოგადოებრივ მაუწყებელისთვის ვალდებულების შესრულების გამარტივების მიზნით, საკანონმდებლო წინადადებების მიხედვით, საარჩევნო სუბიექტებს დებატებში მონაწილეობის ვალდებულება ექნებათ.

გარდა საზოგადოებრივი მაუწყებელზე დებატების გამართვის საკითხისა, კამპანია „ეს შენ გეხებამ" მათ მიერ 7 მაისს პარლამენტში წარდგენილ სხვა საპარლამენტო წინადადებების შესახებაც იმსჯელა. წინადადებები საარჩევნო გარემოს გაუმჯობესებას ისახავს მიზნად.


მეტი

ახალი ამბები

მეტი
  • მედეა გოგსაძე

    რა მოსდით ქართველ მამაკაცებს?... „ჩატეხილი ხიდის“ გენდერული ვერსია

    ფსიქოლოგ ერიკ ბერნის უნივერსალური მოდელის თანახმად, ნებისმიერ ადამიანში ზის „ბავშვი“, „მშობელი“ და „მოზრდილი“. „ბავშვი“ იმპულსური ქცევის წყაროა, „მშობელი“ - რაციონალური საწყისი, რომელიც  „ბავშვს“...

  • თამარ რუხაძე

    მედია, რომელიც...

    ჩვენც ხომ იმავე ოჯახებიდან, სკოლებიდან, უნივერსიტეტებიდან, იმავე განათლების სისტემიდან მოვედით, რომელიც ამ პროფესიისთვის პროფესიონალ კადრებს დღესაც ვერ ზრდის და ჩვენ როგორ გაგვზრდიდა უკეთესებს?...

  • თამარ კარელიძე

    სტიგმა ფასადს მიღმა

    ჩვენ ის საზოგადოება ვართ, რომელიც ერთ ქუჩაზე სხვადასხვა რელიგიური კონფესიის წარმომადგენელთა ტაძრებით ამაყობს და პარალელურად, არამართლმადიდებლებს, ქრისტეს სახელით, ჩასაქოლად დასდევს, ის საზოგადოება,...

მეტი