12.06.2012

"მილიონების მარში" რუსეთის ქალაქებში

სტატიები  (photo: )

 

მოსკოვში მრავალათასიანი საპროტესტო აქცია „მილიონების მარში - 2 " გაიმართა. აქციის წინა დღეს ოპოზიციის ლიდერების სახლები პოლიციამ გაჩხრიკა და რამდენიმე მათგანი 12 ივნისს დაანონსებული აქციის დღეს, დაკითხვაზე დაიბარა. ბლოგერმა და აქტივისტმა ალექსეი ნავალნიმ ჟურნალისტებს განუცხადა, რომ მის ბინას თითქმის 13 საათის განმავლობაში ჩხრეკდნენ. სახლიდან წაიღეს მისი მობილური, პირადი კომპიუტერი, ვიდეო და აუდიო დისკები. ქსენია სობჩაკი კი ამბობს, რომ პოლიციამ მისი ბინიდან მილიონ ევროზე მეტი თანხა წაიღო.

 

ოპოზიციის ლიდერებისა და აქტივისტების ბინების ჩხრეკის, აქციამდე რამდენიმე დღით ადრე გაზრდილი ჯარიმების, აქციის დღეს ლიდერების მასობრივად დაკითხვაზე დაბარებას გამოეხმაურა ვაშინგტონი. სახელმწიფო დეპარტამენტის მიერ გავრცელებულ განცხადებაში ნათქვამია, რომ ხელისუფლება ოპოზიციისთვის აქციის ორგანიზებაში ხელის შეშლას ცდილობს.

მოსკოვის მერიამ 12 ივნისს 50 000-კაციან აქციაზე გასცა სანქცია. როგორც „გაზეტა.რუ" წერს, აქციის მონაწილეებმა 12 საათამდე პუშკინის მოედანზე დაიწყეს შეკრება და სახაროვის პროსპექტის მიმართულებით დაიძრნენ, სადაც ოფიციალურად უნდა გამართულიყო მიტინგი. 3 საათზე სახაროვის გამზირზე დამონტაჟებულ სცენაზე პოლიტიკური ლიდერები გამოვიდნენ სიტყვით. მიტინგზე ე.წ. „თავისუფალი რუსეთის მანიფესტიც" მიიღეს. მანიფესტის ძირითადი მოთხოვნები პუტინის თანამდებობიდან გადადგომა, ახალი საარჩევნო კანონი და პარლამენტის ახალი არცევნების ჩატარებაა. ტექსტი აქციის წამყვანმა ევგენია ჩირიკოვამ წაიკითხა.

აქციაზე სიტყვით გამოვიდნენ „მემარცხენე ფრონტის" კოორდინატორი სერგეი უდალცოვი, პოლიტიკოსი ბორის ნემცოვი, „სამართლიანი რუსეთის" დეპუტატები ილია პონომარევი და გენადი გუდკოვი, ჟურნალისტი ოლგა რომანოვა, მწერალი დიმიტრი ბიკოვი და სხვები. „ინტერფაქსის ცნობით", გამოსვლების დასრულების შემდეგ ხალხმა ინტენსიურად დაიწყო დაშლა. უდალცოვი ამბობდა, რომ მიტინგზე 100 000-მდე ადამიანიც კი იყო მისული.

რუსეთის შინაგან საქმეთა სამინისტროს მიერ გავრცელებული ინფორმაციით მსვლელობისას ააქციაში 18 000 ადამიანი მონაწილეობდა, უკვე მიტინგის დაწყების პროცესში კი მათი რიცხვი 15 000-მდე იყო შემცირებული. თუმცა, „გაზეტა.რუ" წერს, რომ თუ აღიარებულია, რომ ამავე გამზირზე მოძრაობა „ჩვენების" აქციისას 60 000 ადამიანი იტევდა, აშკარაა, რომ ახლა 50 000 - მდე ადამიანია შეკრებილი, რადგან მსვლელობისას გამზირი თითქმის სავსე იყო. მათივე კორესპონდენტები ამბობდნენ, რომ აქციის ადგილას გართულებული იყო მობილური კავშირიც.

ფედერალურ არხებს აქციის შესახებ ინფორმაცია არ გადაუციათ.

მოსკოვის გარდა ოპოზიციის აქციები ჩატარდა კალინინგრადში, ორენბურგში, ბარნაულში, უფაში, ტიუმენსა და სხვა რამდენიმე ქალაქში. სანკტ-პეტერბურგში მომიტინგეები „მილიონების მარშის" შეკრების ადგილამდე არ მიუშვეს იმ მიზეზით, რომ მათი მსვლელობა დათქმულ დრომდე ვერ დამთავრდა. მსვლელობის ორგანიზატორები პოლიციამ დააკავა. თუმცა, აქცია მაინც შედგა და პოლიციის ცნობით, იქ 2000-მდე ადამიანი იყო შეკრებილი.

დღეს საღამოს მოსკოვში სადღესასწაულო ღონისძიებებია დაგეგმილი. 19:00- 24:00 საათამდე წითელ მოედანზე რუსეთის დღის აღსანიშნავი კონცერტი შედგება.


მეტი

  •  (photo: Sopho Aptsiauri) სტატიები

    ხეობა ჩრდილში

    სოფელი დუისი. პანკისის ხეობა. შუადღის 13:30 საათი. პარასკევის ლოცვა.  მართკუთხა ფორმის მეჩეთს წითელი აგურითა და შავი ქვებით ნაგები მინარეთით შორიდანვე გამოარჩევთ. კოსტიუმში გამოწყობილი, მეტწილად...

  •  (photo: ) სტატიები

    თბილისი - რისკი ველოსიპედისტებისთვის

    თბილისში სპეციალური ტრასების არარსებობის გამო მოქალაქეთა უმეტესობა ველოსიპედით გადაადგილებას სარისკოდ მიიჩნევს. ამ გავრცელებული აზრის მიუხედავად, ქალაქში ველოსიპედით მაინც ხშირად მოძრაობენ....

  •  (photo: ) სტატიები
  •  (photo: ) სტატიები

    დაზღვევის 25 წლის იუბილე

    სადაზღვევო კომპანიის არჩევისას ადამიანებმა ყურადღება სწორედ სტაბილურობას, გამოცდილებას, განვითარების დინამიკას, მის გადამზღვეველებს, რისკის მართვის ეფექტურობასა და კორპორაციულ კულტურას უნდა...

ახალი ამბები

მეტი
  • მამუკა ლეკიაშვილი

    ჭერ-იატაკი

    ჩვენი დღევანდელი ამოცანისთვის მნიშვნელოვანია სამი ჭერ–იატაკი სამყაროს ოთხ სართულს შორის. სწორედ ეს სამეული განსაზღვრავს სამყაროს ძირითად მასშტაბებს, ანუ სართულებს შორის განსხვავებას და სიახლოვეს.

  • ნათია ფანჯიკიძე

    დიდება შენდა, ღმერთო

    უნდა შეგცივდეს, რომ მიხვდე, როგორ გათბე; უნდა მოგშივდეს, რომ იზრუნო საკვების მოპოვებაზე; უნდა დაგაწვიმოს, რომ აიშენო სახლი; უნდა გაგსრისოს მარტოობამ, რომ შეიძინო მეგობარი; უნდა შეგაწუხოს ჭუჭყმა,...

  • ზურაბ ვარდიაშვილი

    6 წლის წინ და 6 წლის შემდეგ

    ლიბერალი 6 წლისაა. და ჩვენ, მისი რეპორტიორები 6 წელია ზემოთ აღწერილი ომის ფრაგმენტებს მოვიპოვებთ, ვალაგებთ, ფოკუსს ვუძებნით, ვახარისხებთ და გაწვდით თქვენ, თანამოქალაქეებს, სხვადასხვა სახის ომში...

მეტი