21.06.2012

რუსთავის კოლონიაში 35 წლის პატიმარი გარდაიცვალა

 

ტელეკომპანია მეცხრე არხი ავრცელებს ინფორმაციას, რომ რუსთავის კოლონიაში 35 წლის პატიმარი ირაკლი მდინარაძე გარდაიცვალა. ამის შესახებ პატიმრის ოჯახს საპატიმროს  ადმინისტრაციის ნაცვლად მისმა თანამესაკნემ ტელეფონით შეატყობინა.

 

გარდაცვლილი პატიმარის ოჯახის წევრების ინფორმაციით, მდინარაძე მათ რამდენიმე დღის წინ დაუკავშირდა და 2 ათასი ლარის სასწრაფოდ მიწოდება ითხოვა. როგორც ოჯახის წევრები ამბობენ, მას ეს თანხა სასჯელის შემსუბუქებისთვის სჭირდებოდა, თუმცა კონკრეტულად ვინ ითხოვდა, თანხას არ იციან.

რუსთავის სასჯელაღსრულების #2 დაწესებულებაში  გარდაცვლილი პატიმარის ირაკლი მდინარაძის გარდაცვალების ზუსტი მიზეზები ჯერჯერობით ცნობილი არ არის. ოჯახის წევრებისთვის უცნობია, როგორც გარდაცვალების ოფიციალური მიზეზი, ასევე პატიმრის გადაცვალების დრო.

ოჯახის მიერ ვრცელდება ინფორმაცია, გარდაცვლილს სხეულზე, თავის და ყელის არეში დაზიანებები აღენიშნება.

პატიმრის გადაცვალების ოფიციალურ ვერსიასთან დაკავშირებით “ლიბერალი” სასჯელაღსრულების, პრობაციისა და იურიდიულ დახმრების საკითხთა სამინისტროსთან დაკავშირებას შეეცადა, მაგრამ  საზოგადოებასთან ურთიერთობის სამსახურში ტელეფონს არ პასუხობენ.

მეტი

ახალი ამბები

მეტი
  • გიორგი ძნელაძე

    ამელი ნოტომის ახალი თარგმანი

    „ბატონი საიტო ქალბატონი მორის უფროსი იყო; ეს უკანასკნელი კი - ჩემი. მე თვითონ არავისი უფროსი არ ვყოფილვარ... ერთი სიტყვით, კომპანია „იუმიმოტოში“ ყველას შეეძლო, ბრძანებები ეძლია ჩემთვის... 1990 წლის...

  • ნათია ფანჯიკიძე

    მიყვარხარ

    სიყვარულის დაკარგვა უტოლდება ახლობლის სიკვდილით გამოწვეულ გლოვის მდგომარეობას. უარესიცაა. გლოვისას ფაქტი დადასტურებით მომხდარია, მხოლოდ ამ ფაქტთან ადაპტაციის ტკივილიანი გზაა გასავლელი. სიყვარულის...

  • გიორგი ხასაია

    ასე არ შეიძლება, მეგობრებო!

    ინგა რომ ხარ, გრიგოლია ინგა, გასაგებია, ამდენი უსამართლობისგან გული გისივდება, ხმა გიწვრილდება და ფიჩინდები, მარა მთლად ნუ გადაგვივლი ტანკივით. რაც შენ იმ სტუდიაში ნაგავს ისრუტავ... მტვერსასრუტა...

მეტი