01.05.2012

“უნივერსიტეტი სტუდენტებს”

 

დღეს თბილისის სახელმწიფო უნივერსიტეტის პირველი კორპუსის ეზოში სტუდენტთა ნაწილმა აქცია გამართა. სტუდენტები სახელმწიფო უნივერსიტეტში სტუდენტების უფლებების დაცვას მოითხოვდნენ. "უნივერსიტეტი სტუდენტებს" - ეწერა მათ პლაკატზე.

 

"დღეს პირველი მაისია, მშრომელთა ორგანიზებული ბრძოლის საერთაშორისო დღე. სტუდენტები  საზოგადოების ის ნაწილია, რომელიც ინტელექტუალურ მარაგს ქმნის. დღეს სტუდენტების უფლებების დასაცავად გამოვედით. ჩვენი უფლებები დღეს არაა დაცული, ადმინისტრაცია ხშირად თავად არღვევს სტუდენტების უფლებებს, სტუდენტური თვითმმართველობა კი ხშირად თავად არის მაპროვოცირებელი სტუდენტების ცემისა," - ამბობს აქციის მონაწილე სტუდენტი სოსო ჭაუჭიძე.

აქციის ორგანიზატორები სტუდენტების საპროტესტო აქტივობის არსებულ ფორმებს არაეფექტურად მიიჩნევენ.

"იკრიბება რამდენიმე ათეული სტუდენტი და აფიქსირებს ცემის ფაქტს, რაც ყველამ ისედაც იცის,  საპროტესტო აქცია იშლება და  შედეგი არ არის, ერთი თვის შემდეგ კი სტუდენტები თავად ივიწყებენ ამ ამბავს. ჩემი აზრით,  სტუდენტებმა, რაღაც ფორმით თავად დაიცვან საკუთარი უფლებები. ეს ფორმა უნდა იყოს თავად უნივერსიტეტის შიგნით თვითორგანიზებული ჯგუფები. თვითმმართველობის უფლებებში რაც შედის, სტუდენტების უფლებების დაცვა, სასწავლო პროცესის ნორმალურად წარმართვა და ა.შ. საკუთარ თავზე უნდა აიღოს დამოუკიდებელ სტდუენტთა ნებაყოფლობითმა გაერთიანებებმა. ამით ჩაანაცვლოს უნივერსიტეტის ცენტრალიზებული სტრუქტურა. სტუდენტთა ეს ჯგუფები ზემოდან კონტროლირებული ვერ იქნება." - ამბობს სტუდენტი.

აქცია თვითორგანიზებულმა სტუდენტურმა ჯგუფმა "სტუდენტური მოქმედება" ჩაატარა. ჯგუფი უნივერსიტეტის შიდა სასწავლო პროცესებზე, სტრუქტურასა და სასწავლო პროცესის გაჯანსაღებაზეა ორიენტირებული.

[video:http://www.youtube.com/watch?v=l0DbmCgUGhc&feature=youtu.be]

მეტი

ახალი ამბები

მეტი
  • ზაზა დობორჯგინიძე

    "მოდური" ათეიზმი?

    ქართული მართლმადიდებელი ეკლესია ძალადობს უმცირესობებზე, ებრძვის ადამიანის ფუნდამენტურ უფლებებს და  პერმანენტულად ეწევა საკუთარი ძალაუფლების ექსპანსიას ცხოვრების ყველა ასპექტში. იმის დასამტკიცებლად,...

  • ვაკო ნაცვლიშვილი

    კადიში არდაბადებულ ქათამზე

    ახალგაზრდა კაცმა უმწიფარი და ბავშვური სისასტიკით მოკლა ქუჩის ძაღლი. სათვალთვალო კამერა იწერს, სამი მეგობარი როგორ ტოვებს შემთხვევის ადგილს. მთავარი გმირი ხელს დაიფერთხავს: მოიშორებს სისხლის...

  • ზურა ჯიშკარიანი

    ვერავინ განუგეშებს საოცრების უბეში

    რამაზ კინგკონგი ჩემი უსაყვარლესი დრაგმეითი იყო. და თუ ბუნებაში არსებობს ცნება ქართული ოცნება, რამაზ კინგკონგი ამ ცნების სრული ოპოზიტი იყო, ნამდვილი ქართული კოშმარი: სომეხი, ბარიგა და გეი. პლუს...

მეტი