16.06.2012
მამუკა ჯიბლაძის ძებნა ისევ გრძელდება
გაუჩინარებული მეცნიერის, მამუკა ჯიბლაძის ძებნა გრძელდება, შსს „ლიბერალთან" საუბარში ამბობს, რომ მამუკა ჯიბლაძესთან დაკავშირებით ჯერჯერობით ახალი არაფერია .
მეცნიერს სამართალდამცავებთან ერთად მეგობრებიც ეძებენ.
მათ თბილისის რამდენიმე უბანში, ქუჩებში, სკვერებში და ბაღებში განცხადებები უკვე გამოაკრეს. ამას გარდა, მეცნიერის ფოტოები სოციალურ ქსელებშიც ვრცელდება.
მეგობრები მოუწოდებენ მოქალაქეებს, მამუკა ჯიბლაძის ნახვის შემთხვევაში დარეკონ ნომრებზე - 599944937, ან 593316241 ან მიმართონ საპატრულო პოლიციას.
შეგეხსენებთ, ახლობლებსა და მეგობრებს მამუკა ჯიბლაძე 11 ივნისის შემდეგ აღარ უნახავთ.
მამუკა ჯიბლაძე, ანდრია რაზმაძის სახელობის მათემატიკის ინსტიტუტის მათემატიკური ლოგიკის განყოფილების გამგე და მოსწავლეთა კომპიუტერზე ადაპტირებული საატესტატო გამოცდების (CAT) ალგორითმის ავტორია. მან გამოცდების ეროვნული ცენტრი მაია მიმინოშვილის განთავისუფლების შემდეგ, პროტესტის ნიშნად დატოვა.
ნინო ბექიშვილი