31.07.2012

სახელმწიფო დაცვის სამსახურის განცხადება გორში მომხდარ ავარიასთან დაკავშირებით

სახელმწიფო დაცვის სპეციალურმა სამსახურმა თბილისი-სენაკი-ლესელიძის ავტომაგისტრალზე, გორი-ქარელის გზაზე მომხდარი ავტოავარიის შესახებ განცხადება და ვიდეომასალა გაავრცელა, რომელსაც უცვლელად გთავაზობთ:

"ცენტრალური მაგისტრალის თბილისი-სენაკი-ლესელიძის 95-ე კილომეტრზე 18:55 სთ-ზე მოხდა ავტოსაგზაო შემთხვევა. გამოძიების ინფორმაციით, ავტომობილმა "ოპელ ასტრამ" სახელმწიფო ნომრით DRD-837 გადაკვეთა ღერძულა ხაზი და საწინააღმდეგო მიმართულებით მოძრავ სახელმწიფო დაცვის სპეციალური სამსახურის ავტომობილს "შკოდა სკაუტს" სახელმწიფო ნომრით SPS-043 შეეჯახა. "ოპელ ასტრას" მძღოლი ადგილზე გარდაიცვალა. დაშავდა სახელმწიფო დაცვის სპეციალური სამსახურის სამი თანამშრომელი - ერთ-ერთი კრიტიკულ მდგომარეობაშია".

შეგახსენებთ, სოციალურ ქსელში გავრცელდა ავარიის ფოტო მასალა. თვითმხილველების თქმით, პრეზიდენტის ესკორტის ავტომანქანა საწინააღმდეგო მიმართულებით მოძრავ ოპელ ასტრას ფირმის ავტომობილს შეეჯახა. ადგილზე გარდაიცვალა მძღოლი. ამავე ავტომანქანის 4 მგზავრი (მათ შორის 40 წლის ჯინა კარტოზია, 19 წლის მარიამ გვარამია, 9 წლის ანა სოსელია და 2 წლის ნიკო ქადარია) მძიმე ტრავმებით ქარელის სავაადმყოფოში გადაიყვანეს.

 

 

მეტი

ახალი ამბები

მეტი
  • ზურა ჯიშკარიანი

    Tetris

    პატარა ქალაქში წვიმს. უპატრონო ძაღლები იხრჩობიან გუბეებში, უკანასკნელმა მოქალაქეებმა მიატოვეს გემები და გონდოლები და საქმიანად გადაძვრნენ ფანჯრებში საიდანაც გემრიელი საჭმელების სუნი და მოხდენილი...

  • გური სულთანიშვილი

    პრინციპულობა და "ნაციონალური მოძრაობა"

    ბლოგის დაწერა კაკო ბობოხიძის პასუხმა და ამით აღტკინებულმა ლიბერალურმა ნაწილმა გადამაწყვეტინა, მაგრამ საერთო აქცენტი მთლიანად “ნაციონალებს” უფრო შეეხებათ.

  • თამარ კარელიძე

    ჩვენ, "ფეისები" საქართველოსი

    „ფეისს“ სწამს, რომ ჭარბწონიანებისათვის ეთერში მოწყობილი „სასამართლო“ პრობლემის განზოგადებისა და გადაჭრის კარგი ხერხია. უხერხულობას არც 19 წლის ბიჭისათვის დასმული კითხვა უქმნის - ჰქონია თუ არა...

მეტი