10.08.2012

საია სახელმწიფო აუდიტის სამსახურის მოთხოვნას უკანონოდ მიიჩნევს

ფინანსური მონიტორინგის სამსახური ბიძინა ივანიშვილსა და კახი კალაძეს საკუთარი ანგარიშებიდან ფულის მოხსნაში ადანაშაულებს და მათ ამ თანხის ანგარიშებზე დაბრუნებისკენ მოუწოდებს.

აღნიშნულ ინფორმაციას ახალგაზრდა იურისტთა ასოციაცია გამოეხმაურა და განაცხადა, რომ სახელმწიფო აუდიტის სამსახურის მოთხოვნა "აბსოლუტურად გასულია კანონის ჩარჩოდან". 

"გუშინვე, როცა ცნობილი გახდა, რომ აუდიტის სამსახური კალაძეს პირად ანგარიშებზე თანხის დაბრუნებას სთხოვდა, ვთქვით, რომ ეს აბსოლუტურად უკანონო მოთხოვნა იყო, რადგან კანონმდებლობა ასეთ შესაძლებლობას არ ითვალისწინებს. შესაბამისად, ამ მოთხოვნის შეუსრულებლობაზე ჯარიმის დაკისრების და დამატებით სხვა სახის სანქციის გამოყენების მოთხოვნაც უკანონოა. კანონმდებლობა აუდიტის სამსახურს უფლებამოსილებას არ აძლევს, ჯერ პირს ანგარიშზე თანხის უკან დაბრუნება მოსთხოვოს და შემდეგ ამ მოთხოვნის დაუკმაყოფილებლობის გამო, მის წინააღმდეგ ხუთმაგი ოდენობის ჯარიმა მოითხოვოს. ეს ყველაფერი აბსოლუტურად გასულია კანონის ჩარჩოდან", - განუცხადა “ინტერპრესნიუსს” თამარ ჩუგოშვილმა და აქვე აღნიშნა, რომ, იმედი აქვს, აუდიტის სამსახურის მოთხოვნასთან დაკავშირებით სასამართლო სამართლიან გადაწყვეტილებას მიიღებს.
სახელმწიფო აუდიტის სამსახურმა თბილისის საქალაქო სასამართლოს კახი კალაძის მიმართ 17 მილიონი ლარის ჯარიმის გამოყენებისა და უძრავ-მოძრავი ქონების დაყადაღების მოთხოვნით მიმართა.

მეტი

ახალი ამბები

მეტი
  • ალექსანდრე გაბელია

    მონოპოლიის მოკრძალებული ხიბლი

    "რუსთაველი"-"ამირანის" კინოთეატრები ქართული მონოპოლიის  დიდებული ნიმუშები არიან.  პირველ რიგში, აღსანიშნავია ბილეთების ფასი, რომელიც ჩვეულებრივ 9-12 ლარს შორის მერყეობს. ეს კი ჩვენი დღევანდელი...

  • ნათია გვიანიშვილი

    პლაცებომ რა ჰქმნა

     ჯგუფის „გეობა - არაგეობაზე“ ატეხილი ამბავი არ შეცვლის იმას, რომ ბევრი ლგბტქ ადამიანისათვის Placebo-ს აქ ჩამოსვლა, მათი მუსიკის გარდა, იმიტომაც არის სასიხარულო, რომ ბრაიან მოლკოს ნათქვამი აქვს,...

  • მამუკა ლეკიაშვილი

    ჭერ-იატაკი

    ჩვენი დღევანდელი ამოცანისთვის მნიშვნელოვანია სამი ჭერ–იატაკი სამყაროს ოთხ სართულს შორის. სწორედ ეს სამეული განსაზღვრავს სამყაროს ძირითად მასშტაბებს, ანუ სართულებს შორის განსხვავებას და სიახლოვეს.

მეტი