10.08.2012

სასამართლომ კახი კალაძე 17 მილიონი ლარით დააჯარიმა

თბილისის საქალაქო სასამართლოს აზრით, კახი კალაძემ 2012 წლის განმავლობაში პირადი ანგარიშიდან გატანილი 3 მილიონ ლარზე მეტი უკანონოდ,  წინასაარჩევნო მიზნებისთვის დახარჯა, ამიტომ სასამართლომ ის ამ თანხის ხუთმაგი ოდენობით დააჯარიმა და მისი უძრავ-მოძრავი ქონება დააყადაღა. 

სასამართლო პროცესზე სახელმწიფო აუდიტის სამსახურის წარმომადგენელმა კახი კალაძის მიერ თანხის უკანონო  ხარჯვის დამამტკიცებელ საბუთად საქართველოს ბანკის მიერ გაცემული ცნობა წარადგინა, სადაც აღნიშნულია რომ კალაძეს ამ ბანკში 400 ათასი ლარის სესხი აქვს. ბრალდების მხარის აზრით, კალაძეს ეს თანხა პირველ რიგში სესხის დასაფარად უნდა გამოეყენებინა.

აუდიტის სამსახურის წარმომადგენლის ბრალდების საპასუხოდ კახი კალაძის ადვოკატებმა, განაცხადეს, რომ მათი დაცვის ქვეშ მყოფი სესხის რეფინანსირებას გეგმავდა.

ადვოკატების თქმით, კალაძის პირადი ანგარიშიდან თანხის გატანა საეჭვო ოპერაციად არ შეიძლება ჩაითვალოს და ეს არ იძლევა იმის თქმის საფუძველს, რომ ამ თანხით ამომრჩევლის მოისყიდეს.

დაცვის მხარემ სასამართლოს წარუდგინა დეტალური ინფორმაცია იმის შესახებ, თუ სად დახარჯა კალაძემ 3 მილიონზე მეტი ლარი. მათ შორის როგორც ადვოკატმა აღნიშნა, თანხის ნაწილი კალაძის მამის პირად ანგარიშზე გადაირიცხა.

სასამართლოს განაჩენის გამოსატანად ნახევარი საათი დასჭირდა.

მოსამართლემ 17 მილიონი ლარის დასაფარად კალაძეს 7 დღიანი ვადა მისცა.

 

მეტი

ახალი ამბები

მეტი
  • დავით ბუხრიკიძე

    კაზანტიპი – წართმეული მეობის დღეები

    ძალიან უცნაურია არა?! მაინცა და მაინც ექსცენტრიული უკრაინელი ჯეელი, სახელად ნიკიტა უნდა გამოჩენილიყო, უფრო სწორად მისი პირმშო – ქვემსუბუქი მუსიკალური წონის კაზანტიპი უნდა მოვლენოდა საქართველის, რომ...

  • თამარ კარელიძე

    ანაფორა იმუნიტეტად და დაუსჯელობის სინდრომი

    ორი დღის წინ, ანაკლიაში კაზანტიპის გასაპროტესტებლად ჩასული სასულიერო პირებიდან ერთ-ერთი, დაცვასთან ინტერნეტიდან ამოღებული ფოტოებით იყო მისული და საერთაშორისო პოლიტიკაზე საუბრობდა. მისი თქმით,...

  • გიორგი ხასაია

    ზღვა და შიმშილი

    ეს დამსვენებლები, ფაშისტები ხართ ყველა, ყველა მეზიზღებიით - საშიშად ხმამაღლა ვამბობ ამას. ანი ფრჩხილს მასობს ქონებში. შენც ფაშისტი ხარ, ფაშისტები, ყველგან ფაშისტები, თქვენ გადაშენდით ერთ დღეს. შენ...

მეტი

ამავე ავტორისგან