20.08.2012
მაჟორიტარობის ახალი კანდიდატები "ქართული ოცნებიდან"
"ქართული ოცნების" ლიდერმა ბიძინა ივანიშვილმა თეთრიწყაროსა და თერჯოლის რაიონებში მაჟორიტარობის ახალი კანდიდატები წარადგინა: თეთრიწყაროში მამუკა აბულაძეს ადვოკატი და მოსამართლე შალვა ხაჭაპურიძემ შეცვლის, თერჯოლაში კი ომარ ნიშნიანიძის ნაცვლად ზაურ გოგსაძე იყრის კენჭს.
ასევე, ივანიშვილმა დღეს ორი რაიონის მაჟორიტარობის კანდიდატიც დაასახელა: ახალქალაქში - ლორიკ კარაპეტიანი, ცაგერში კი - მამუკა ჩაჩხიანი იყრიან კენჭს.
"ქართული ოცნების" ლიდერმა განაცხადა, რომ დასახელებული მაჟორიტარები აღარ შეიცვლებიან, ხოლო, ორი რაიონის - ნინოწმინდისა და მარნეულის მაჟორიტარებს კოალიცია უახლოეს დღეებში წარადგენს.
მაკო ჯანჯიბუხაშვილი