07.09.2012
"ეს შენ გეხება" ინფორმაციის გავრცელების შეზღუდვის წინააღმდეგ
კამპანია “ეს შენ გეხებას” წევრ ორგანიზაციებს მიაჩნიათ, რომ ქვეყანაში მრავალფეროვანი ინფორმაციის გავრცელებისთვის Must Carry-ისა და Must Offer-ის პრინციპების გაგრძელებაა აუცილებელი. "ჯერჯერობით არ შექმნილა შესაბამისი მექანიზმები ამ პრინციპების გაგრძელებასთან დაკავშირებით, რაც არჩევნების დღეს და მის შემდეგ მოქალაქეებისთვის ინფორმაციის მიღების შეზღუდვის სერიოზულ საფრთხეს წარმოადგენს," - ნათქვამია გავრცელებულ განცხადებაში.
ხელისუფლების არგუმენტზე, რომ ისინი კერძო კომპანიების საქმეში მეტად ვერ ჩაერევიან, საიას ხელმძღვანელი თამარ ჩუგოშვილი ამბობს, რომ ეს პრობლემას არ უნდა წარმოადგენდეს. რადგან ამ შემთხვევაში თავად საკაბელო კომპანიებიც დაინეტერესებულნი არიან, რომ თავიანთ აბონენტებს უფრო მრავალფეროვანი და მრავალრიცხოვანი პაკეტი შესთავაზონ.
არასამთავრობოებს მიაჩნიათ, რომ Must Carry-ისა და Must Offer-ის პრინციპები საქართველოში ციფრული ტელემაუწყებლობის დანერგვამდე უნდა გაგრძელდეს. ამის შემდეგ კი სიგნალის გავრცელება ტექნიკური პრობლემა აღარ იქნება.
“ეს შენ გეხებას” წევრები ხელისუფლებისგან სათანადო სამართლებრივი საფუძვლის გარეშე დაყადებული სატელიტური ანტენების გათავისფლებასაც მოითხოვენ. მათი განცხადებით, დაყადაღების ფაქტები უნდა განვიხილოთ, როგორც ფართო საზოგადოების ინფორმაციის მიწოდების შეზღუდვა, რაც ეწინააღმდეგება ხელისუფლების საჯარო განცხადებებს, რომ ის მზადაა ქვეყანაში სამართლიანი არჩევნების ჩატარებისთვის.
მაკო ჯანჯიბუხაშვილი